കണ്ണൂര്‍: കണ്ണൂര്‍ അത്താഴകുന്നില്‍ വീട്ടുമുറ്റത്തു നിര്‍ത്തിയിട്ട ബൈക്ക് കത്തിയ നിലയില്‍ . അത്താഴക്കുന്ന് റഹ്മാനിയ കോളജിനു സമീപം ഗള്‍ഫ് കോട്ടേഴ്‌സില്‍ താമസിക്കുന്ന റിജിത്തിന്റെ അപ്പാച്ചെ ബൈക്കാണ് കത്തി നശിച്ചത്. ഇന്നലെ പുലര്‍ച്ചെ രണ്ടോടെയാണ് സംഭവം. ശബ്ദം കേട്ട് വീട്ടുകാര്‍ എത്തിയെങ്കിലും അക്രമികള്‍ കടന്നുകളഞ്ഞു. വ്യക്തി വിരോധമാകാം ബൈക്ക് അഗ്നിക്കിരയാക്കാന്‍ കാരണമായതെന്നാണു നിഗമനം. വിവരമറിഞ്ഞു ടൗണ്‍ പൊലിസ് സ്ഥലത്തെത്തി അന്വേഷിച്ചു. സംഭവത്തില്‍ രാഷ്ട്രീയമില്ലെന്നും അന്വേഷണം പുരോഗമിക്കുമെന്നും പൊലിസ് അറിയിച്ചു.