മാള: തൃശൂര്‍-എറണാകുളം ജില്ലകളെ ബന്ധിപ്പിക്കുന്ന കുണ്ടൂര്‍ കുത്തിയതോട് പാലത്തിന്റെ നിര്‍മാണ പ്രവര്‍ത്തനങ്ങള്‍ തുടങ്ങുന്നത് സംബന്ധിച്ച് കുഴൂര്‍ പഞ്ചായത്തില്‍ ചര്‍ച്ച നടന്നു.
അഡ്വ. വി.ആര്‍ സുനില്‍കുമാര്‍ എം.എല്‍.എയുടെ നേതൃത്വത്തില്‍ വിവിധ രാഷ്ട്രീയ പാര്‍ട്ടി നേതാക്കളും ജനപ്രതിനിധികളും പൊതുമരാമത്ത് വകുപ്പ് ഉദ്യോഗസ്ഥരുമായി ചര്‍ച്ച നടത്തി. സ്ഥലം ഏറ്റെടുക്കലും ഒഴുപ്പിക്കലും ഏത് രീതിയില്‍ നടത്തണമെന്നത് സംബന്ധിച്ച് യോഗം ചര്‍ച്ച ചെയ്തു.
ഇരു ജില്ലകളുമായി ബന്ധപ്പെടുന്നതിനാല്‍ എറണാകുളം ജില്ലാ കലക്ടര്‍ അടക്കമുള്ളവരെ ചര്‍ച്ചയില്‍ പങ്കെടുപ്പിക്കണമെന്ന ആവശ്യം ഉയര്‍ന്നു. കുഴൂര്‍ പഞ്ചായത്ത് പ്രസിഡന്റ് പി. ശാന്തകുമാരി, ജില്ലാ പഞ്ചായത്തംഗം അഡ്വ.നിര്‍മ്മല്‍ സി പാത്താടന്‍, എന്‍.ഡി പോള്‍സണ്‍, പൊതുമരാമത്ത് വകുപ്പ്, റവന്യു വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.