കൊവിഡ് ബാധിച്ച് ഗള്‍ഫില്‍ രണ്ടുപേര്‍ മരിച്ചു. വടക്കഞ്ചേരി പുതുക്കോട് മണപ്പാടം ബാലകൃഷ്ണന്റെ മകന്‍ സതീഷ്ബാബു (33) സഊദിയിലും കോഴിക്കോട് കുറ്റ്യാടി എള്ളിക്കാംപറ മഞ്ചക്കല്‍തെക്കിനാണ്ടി പവിത്രന്‍ (50) അജ്മാനിലുമാണ് മരിച്ചത്.
സതീഷ് ബാബു സഊദിയിലെ അല്‍ഹസയില്‍ കഴിഞ്ഞ പത്ത് ദിവസമായി കൊവിഡ് ബാധയെ തുടര്‍ന്ന് റൂമില്‍ ഒറ്റക്ക് കഴിയുകയായിരുന്നു. ചൊവ്വാഴ്ച ആരോഗ്യ പ്രവര്‍ത്തകര്‍ പരിശോധനക്കെത്തിയപ്പോഴാണ് മരിച്ചുകിടക്കുന്നത് കണ്ടത്. അവിവാഹിതനാണ്. മാതാവ് : രാജമ്മ. സഹോദരങ്ങള്‍: ബേബി സരിത, ഗോകുല്‍ദാസ്.പവിത്രന്‍ നാട്ടിലേക്ക് വരാനായി ദുബൈ എയര്‍പോര്‍ട്ടില്‍ എത്തിയപ്പോള്‍ കുഴഞ്ഞു വീഴുകയായിരുന്നു. തുടര്‍ന്നാണ് കൊവിഡ് സ്ഥിരീകരിച്ചത്. സംസ്‌കാരം ദുബൈയില്‍ നടത്തി. ഭാര്യ:സുമിത്ര. മക്കള്‍: ധനുഷ, ധനൂപ്, ധമന്യ. സഹോദരങ്ങള്‍: രവീന്ദ്രന്‍, ശോഭ.