മെക്‌സിക്കോ സിറ്റി: മെക്‌സിക്കോയില്‍ ഇറപ്വാട്ടോ നഗരത്തില്‍ അക്രമികള്‍ നടത്തിയ വെടിവയ്പില്‍ 24 പേര്‍ കൊല്ലപ്പെട്ടു. മദ്യവിമുക്ത ചികിത്സാ കേന്ദ്രത്തിലാണ് ആക്രമണം ഉണ്ടായത്. നിരവധി പേര്‍ക്ക് പരുക്കേറ്റു. 

വാഹനത്തില്‍ എത്തിയ ആയുധ ധാരികള്‍ പ്രകോപനമില്ലാതെ വെടിയുതിര്‍ക്കുകയായിരുന്നുവെന്ന് മെക്‌സിക്കന്‍ സുരക്ഷാ ഉദ്യോഗസ്ഥര്‍ അറിയിച്ചു. മയക്കുമരുന്ന് സംഘങ്ങള്‍ തമ്മിലുള്ള കുടിപ്പകയാണ് വെടിവയ്പിന് പിന്നിലെന്നാണ് റിപ്പോര്‍ട്ടുകള്‍. 

ജൂണ്‍ ആറിനും മദ്യവിമുക്ത ചികിത്സാ കേന്ദ്രത്തിന് നേരെ ആക്രണം ഉണ്ടായിരുന്നു. 10 പേരാണ് അന്ന് കൊല്ലപ്പെട്ടത്. മെക്‌സിക്കോയില്‍ മദ്യവിമുക്ത ചികിത്സാ കേന്ദ്രങ്ങള്‍ക്കു നേരെ ആക്രമണം പതിവാണ്.