ഉയിഗൂര്‍: ചൈനക്കെതിരേ ഉപരോധം ഏര്‍പ്പെടുത്തണമെന്ന് യു.എസ് സെനറ്റര്‍മാര്‍

backup

April 04 2019 | 19:04 PM

%e0%b4%89%e0%b4%af%e0%b4%bf%e0%b4%97%e0%b5%82%e0%b4%b0%e0%b5%8d%e2%80%8d-%e0%b4%9a%e0%b5%88%e0%b4%a8%e0%b4%95%e0%b5%8d%e0%b4%95%e0%b5%86%e0%b4%a4%e0%b4%bf%e0%b4%b0%e0%b5%87-%e0%b4%89%e0%b4%aa

വാഷിങ്ടണ്‍: ഉയിഗൂര്‍ മുസ്‌ലിംകളെ പീഡിപ്പിക്കുന്നതില്‍ ചൈനക്കെതിരേ ഉപരോധം ഏര്‍പ്പെടുത്തണമെന്ന് യു.എസ് സെനറ്റ് അംഗങ്ങള്‍. യു.എസിലെ 24 സെനറ്റ് അംഗങ്ങള്‍, ജനപ്രതിനിധി സഭയിലെ 19 പേര്‍ എന്നിവര്‍ ഒപ്പുവച്ച കത്തിലാണ് നടപടി ആവശ്യപ്പെട്ടിരിക്കുന്നത്. മനുഷ്യാവകാശ ലംഘനങ്ങള്‍ക്ക് കൂട്ടുനില്‍ക്കുന്ന ചൈനീസ് കമ്പനികളെ അടച്ചുപൂട്ടല്‍ ഉള്‍പ്പെടെയുള്ള ശക്തമായ നടപടികള്‍ സ്വീകരിക്കണമെന്ന് പ്രസിഡന്റ് ഡൊണാള്‍ഡ് ട്രംപിനോട് അവര്‍ കത്തിലൂടെ ആവശ്യപ്പെട്ടു. ഷിന്‍ജിയാങ് പ്രവിശ്യയിലെ കമ്മ്യൂണിസ്റ്റ് പാര്‍ട്ടി സെക്രട്ടറി ചെന്‍ ക്വങ്ങോക്കെതിരേയും നടപടിയെടുക്കണമെന്ന് അംഗങ്ങള്‍ അഭ്യര്‍ഥിച്ചു.

ഷിന്‍ജിയാങ് പ്രവിശ്യയിലെ മനുഷ്യാവകാശ ലംഘനങ്ങള്‍ക്കെതിരേ ശക്തമായ നടപടിയെടുക്കാത്ത സര്‍ക്കാരിന്റെ പ്രവര്‍ത്തനങ്ങളില്‍ നിരാശയുണ്ടെന്ന് സ്റ്റേറ്റ് സെക്രട്ടറി മൈക് പോംപിയോക്ക് അംഗങ്ങള്‍ അയച്ച കത്തില്‍ പറയുന്നു. വിഷയത്തില്‍ ചൈനക്കെതിരേ വൈസ് പ്രസിഡന്റ് ശക്തമായ രീതിയില്‍ പ്രതികരിച്ചെന്നും എന്നാല്‍, വാക്കുകള്‍ മാത്രം പോരെന്ന് നടപടി ആവശ്യമാണെന്നും അവര്‍ പറഞ്ഞു. ഫ്‌ളോറിഡയിലെ റിപബ്ലിക്കന്‍ സെനറ്റര്‍ മാര്‍ക്കോ റൂബിയോ, ഡെമോക്രാറ്റിക് പാര്‍ട്ടിയുടെ വിദേശ കമ്മിറ്റി സെനറ്റ് അംഗം ബോബ് മാനന്ദേസ്, ഡെമോക്രാറ്റിക് പാര്‍ട്ടി പ്രസിഡന്റ് സ്ഥാനാര്‍ഥി എലിസബത്ത് വാറന്‍ തുടങ്ങിയ പ്രമുഖര്‍ കത്തില്‍ ഒപ്പുവച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."