പേരാവൂര്‍: പേരാവൂര്‍ വെള്ളര്‍വള്ളിയില്‍ പട്ടാപ്പകല്‍ വീട്ടില്‍ കയറി മുഖംമൂടി ധരിച്ച് ആക്രമണം നടത്തിയ കേസില്‍ രണ്ടുപേര്‍പിടിയില്‍. തില്ലങ്കേരിയിലെ കരിയില്‍ ജിജോ(24 ),  രാജീവ് നിവാസില്‍ രാജീവ്(29 ) എന്നിവരെയാണ് പേരാവൂര്‍ സി.ഐ എ. കുട്ടികൃഷ്ണന്റെ നേതൃത്വത്തിലുള്ള സംഘം അറസ്റ്റ് ചെയ്തത്. കൂത്തുപറമ്പ കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു. സംഭവത്തില്‍ ഉള്‍പ്പെട്ട മറ്റൊരു പ്രതി ധനേഷ് വേറൊരു കേസില്‍ റിമാന്‍ഡിലാണ്. ഇയാളെ വിട്ടുകിട്ടാനായി പ്രൊഡക്ഷന്‍ വാറന്റ് അപേക്ഷ നല്‍കിയിട്ടുണ്ട്. പ്രതികള്‍ സഞ്ചരിച്ച ബൈക്ക് പൊലിസ് കസ്റ്റഡിയിലെടുത്തു. ഈമാസം 9ന് വെള്ളര്‍വള്ളിയിലെ മേലേപ്പുറത്ത് ജോണിനെ ഇവര്‍ വീട്ടില്‍ കയറി ആക്രമിക്കുകയായിരുന്നു.