പനങ്ങാട് : വിദ്യാര്‍ഥികളുടെ ഭൗതികവും ബുദ്ധിപരവും ധാര്‍മികവുമായ വികാസത്തിന്റെ നമുക്ക് ചുറ്റുമുള്ള പ്രകൃതി തന്നെയാണെന്ന സന്ദേശമുള്‍ക്കൊണ്ടു കേരളം യൂനിവേഴ്‌സിറ്റി ഓഫ് ഫിഷറീസ് ആന്‍ഡ് ഓഷ്യന്‍  സ്റ്റഡീസ്(കുഫോസ്) അന്താരാഷ്ട്ര ഭൗമ ദിനാചരണം നടത്തി.
ഭൂമിക്കൊരു കൈത്താങ്ങു എന്ന ലക്ഷ്യവുമായി കുഫോസിലെ ഫിഷറീസ് ക്ലബും റോട്ടറി ക്ലബ് കൊച്ചിന്‍ ലാന്‍ഡ്‌സ്  എന്‍ഡും ചേര്‍ന്ന് സംഘടിപ്പിച്ച പരിപാടി കുഫോസ് വൈസ് ചാന്‍സലര്‍  ഡോ.എ രാമചന്ദ്രന്‍ ഉദ്ഘാടനം ചെയ്തു.
ചടങ്ങില്‍ ജൈവവൈവിധ്യവുമായി ബന്ധപ്പെട്ടു  ക്വിസ് മത്സരം നടത്തുകയും വിജയികള്‍ക്ക് വൈസ് ചാന്‍സലര്‍ പുരസ്‌കാരം വിതരണം ചെയ്യുകയും ചെയ്തു. പ്രസ്തുത ചടങ്ങില്‍ റോട്ടറി ക്ലബ് ഭാരവാഹികളായ ബി.ആര്‍ അജിത്, ചന്ദ്രൂര്‍ വിജയന്‍, ഡോ.എം.കെ സജീവന്‍, കുമാരി  അഞ്ജലി മേനോന്‍, മുഹമ്മദ് സാലി എന്നിവര്‍ സംസാരിച്ചു.