മലപ്പുറം: മഞ്ചേരി മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുന്ന ഒതായി ചാത്തല്ലൂര്‍ സ്വദേശിക്ക് എംപോക്‌സ് സ്ഥിരീകരിച്ചു. എംപോക്‌സ് ക്ലേഡ് വണ്‍ ബി വിഭാഗമാണ് സ്ഥിരീകരിച്ചത്. പശ്ചിമ ആഫ്രിക്കയില്‍ കണ്ടെത്തിയ അതിവേഗം വ്യാപിക്കുന്ന ഗണത്തിലുള്ള ഈ വകഭേദം ആദ്യമായാണ് ഇന്ത്യയില്‍ റിപ്പോര്‍ട്ട് ചെയ്യുന്നത്. എംപോക്‌സ് 2 എന്ന വകഭേദമാണ് രാജ്യാന്തര തലത്തില്‍ ഏറ്റവും കൂടുതലുള്ളത്.

എംപോക്‌സ് 2 ആണ് ഇന്ത്യയില്‍ മുമ്പ് റിപ്പോര്‍ട്ട് ചെയ്തത്, ഇതിന്റെ മറ്റൊരു പതിപ്പ് ആണ് എംപോക്‌സ് വണ്‍ ബി എന്ന് ആരോഗ്യവകുപ്പ് അധികൃതര്‍ വ്യക്തമാക്കുന്നു.

സെപ്റ്റംബര്‍ 13ന് ദുബായില്‍ നിന്ന് കോഴിക്കോട് വിമാനത്താവളത്തിലിറങ്ങിയ ചാത്തല്ലൂര്‍ സ്വദേശിക്കാണ് എംപോക്‌സ് വണ്‍ ബി സ്ഥിരീകരിച്ചത്. പനിയുണ്ടായിരുന്ന ഇദ്ദേഹത്തെ സെപ്റ്റംബര്‍ 16നാണ് മഞ്ചേരി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്.

Kerala's Malappuram district reports India's first confirmed case of the highly contagious clade1 monkey pox variant, sparking concerns of rapid spread and renewed public health vigilance.