അഹമ്മദാബാദ്: പട്ടീദാര്‍ വിഭാഗത്തിന്റെ സംവരണത്തിനായി ഹാര്‍ദിക് ഓഗസ്റ്റ് 25 മുതല്‍ അനിശ്ചിതകാല നിരാഹാരത്തിനൊരുങ്ങുന്നു. പട്ടീദാര്‍ സമുദായത്തിന് സര്‍ക്കാര്‍ ജോലികളിലും വിദ്യാഭ്യാസത്തിലുമുള്ള സംവരണമാണ് ഹാര്‍ദികിന്റെ ആവശ്യം. നിരാഹാര സമര പ്രഖ്യാപനം ഫേസ്ബുക്ക് വഴിയാണ് ഹാര്‍ദിക് അറിയിച്ചത്. സംവരണത്തിനായുള്ള അവസാനത്തെ പോരാട്ടത്തിനാണ് തയാറെടുക്കുന്നതെന്നും ഒന്നുകില്‍ തന്റെ ജീവന്‍ ത്യജിക്കുമെന്നും അല്ലെങ്കില്‍ സംവരണം ലഭ്യമാവുമെന്നും ഫേസ്ബുക്ക് വിഡിയോയില്‍ ഹാര്‍ദിക് പട്ടേല്‍ പറഞ്ഞു.