കൊച്ചി: വാളയാറില്‍ ക്രൂര പീഡനത്തിനിരായി മരിച്ചനിലയില്‍ കണ്ടെത്തിയ പ്രായപൂര്‍ത്തിയാകാത്ത പെണ്‍കുട്ടികളുടെ സഹോദരനെ ബലമായി ഹോസ്റ്റലിലേക്ക് മാറ്റാന്‍ ശ്രമിക്കുന്നതായി ജസ്റ്റിസ് ഫോര്‍ വാളയാര്‍ കിഡ്‌സ് ഫോറം ഭാരവാഹികള്‍ ആരോപിച്ചു. 

പാലക്കാട് ഡിവൈ.എസ്.പി മനോജ് ഇന്നലെയും ജൂലൈ രണ്ടിനും അട്ടപ്പള്ളത്തെ വീട്ടിലെത്തി മാതാപിതാക്കളോട് സംസാരിച്ചിരുന്നതായും ഇന്ന് വാളയാര്‍ പൊലിസിനെയും കൂട്ടി കൂട്ടിയെ കൊണ്ടുപോകാന്‍ എത്തുമെന്നാണ് അറിയിച്ചിരിക്കുന്നതെന്നും അവര്‍ പറഞ്ഞു.

 ഹോസ്റ്റലില്‍ താമസിച്ച സമയത്ത് മുന്‍പ് രണ്ടുതവണ ഈ കുട്ടിയെ അപായപ്പെടുത്താന്‍ ശ്രമം നടന്നിരുന്നതായി ഫോറം ആരോപിച്ചു. കുട്ടി വീട്ടില്‍ സുരക്ഷിതനാണ്. യാതൊരു അക്രമസംഭവങ്ങളും നേരിട്ടിട്ടുമില്ല. അതുകൊണ്ടുതന്നെ വീട്ടില്‍ നിന്ന് കുട്ടിയെ ബലമായി ഹോസ്റ്റലിലേക്ക് കൊണ്ടുപോകാനുള്ള പൊലിസ് നീക്കത്തില്‍ ശക്തമായി അപലപിക്കുന്നതായും ഫോറം നേതാക്കള്‍ പറഞ്ഞു.