കോവളം:  കാറും കെ.എസ്. ആര്‍.ടി.സി ബസും കൂട്ടിയിടിച്ചുണ്ടായ അപകടത്തില്‍ രണ്ടു കുട്ടികളടക്കം ആറുപേര്‍ക്ക് പരുക്കേറ്റു. കാര്‍ യാത്രികരായ മടത്തറ ഒഴുകുപാറ സ്വദേശി ഷാജു (26), മനോജ് (34), സരിത (24), കടയ്ക്കല്‍ മുള്ളിക്കാട് സ്വദേശി റജീന (20), ശ്വേത (7), സുരഭി (8) എന്നിവര്‍ക്കാണ് പരുക്കേറ്റത്.
 ഇന്നലെ രാവിലെ 11.30 ഓടെയായിരുന്നു അപകടം.കോവളം ബീച്ചില്‍ നിന്നും മടങ്ങുകയായിരുന്ന കുടുംബം സഞ്ചരിച്ച കാറ് നഗരത്തില്‍ നിന്നും കോവളത്തേക്ക് വരികയായിരുന്ന കെ.എസ്. ആര്‍.ടി.സി. ബസുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ കാറിന്റെ മുന്‍ഭാഗം പൂര്‍ണമായും തകര്‍ന്നു. പരുക്കേറ്റവരെ  തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ട്രാഫിക് പൊലിസ് കേസെടുത്തു.