തിരുവനന്തപുരം; നവംബര്‍ ഒന്നിനു മുന്‍പ് കെഎസ്ഇബി ശിപാര്‍ശ ചെയ്ത അതേ നിരക്കില്‍ വൈദ്യുതി ചാര്‍ജ് വര്‍ധിപ്പിച്ചേക്കും. വേനല്‍ക്കാലത്തെ ഉപയോഗത്തിനു കെഎസ്ഇബി നിര്‍ദേശിച്ച വര്‍ധനയുടെ നിയമപരമായ സാധുത പരിശോധിച്ച ശേഷം ഒഴിവാക്കാനാണ് സാധ്യത.

ഓണത്തിനു ശേഷം റഗുലേറ്ററി കമ്മിഷന്‍, കെഎസ്ഇബി പ്രതിനിധികള്‍ ഉപഭോക്തൃ പ്രതിനിധികള്‍ തുടങ്ങിയവര്‍ ഉള്‍പ്പെടുന്ന സംസ്ഥാനതല ഉപദേശക സമിതി യോഗം വിളിച്ച് അഭിപ്രായം തേടും. തുടര്‍ന്ന്, പൊതുതെളിവെടുപ്പില്‍ ഉപയോക്താക്കള്‍ ഉന്നയിച്ച പരാതികളില്‍ രേഖാമൂലം മറുപടി അറിയിക്കാന്‍ കെഎസ്ഇബിക്ക് സമയം നല്‍കും. കെഎസ്ഇബി നല്‍കിയ താരിഫ് പെറ്റിഷനും ഉപയോക്താക്കളുടെ അഭിപ്രായങ്ങളും നിയമവശങ്ങളും, റഗുലേറ്ററി കമ്മിഷന്‍ ചെയര്‍മാനും അംഗങ്ങളും മറ്റു വിദഗ്ധരും ചേര്‍ന്ന് പരിശോധിച്ച് നിരക്ക് പരിഷ്‌കരണത്തില്‍ തീരുമാനമെടുക്കും. റഗുലേറ്ററി കമ്മിഷന്‍ അംഗീകാരം ലഭിച്ചിട്ടുള്ള 2022-27 കാലയളവിലെ വരവു കമ്മി റിപ്പോര്‍ട്ടിന്റെ അടിസ്ഥാനത്തിലാണ് കെഎസ്ഇബി നിരക്ക് പരിഷ്‌കരണ ശിപാര്‍ശ വച്ചിരിക്കുന്നത് എന്നതിനാല്‍ തന്നെ അതില്‍ കാര്യമായ കുറവ് വരുത്താന്‍ സാധ്യതയില്ല.

The Kerala State Electricity Board (KSEB) has recommended a hike in electricity rates, which may come into effect before November 1. Check out the latest updates on the proposed electricity rate increase in Kerala.