വടകര: പുത്തൂര്‍ സ്‌നേഹതീരം റസിഡന്‍സ് അസോസിയേഷന്റെ ആഭിമുഖ്യത്തില്‍ വിവിധ മേഖലകളില്‍ ഉന്നതവിജയം നേടിയവരെ അനുമോദിച്ചു. അസോസിയേഷനില്‍ അംഗങ്ങളായ എല്‍.എസ്.എസ്, യു.എസ്.എസ് നേടിയവരെയും എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നതവിജയം നേടിയവരെയും എം.ജി യൂനിവേഴ്‌സിറ്റിയില്‍നിന്ന് ഫിസിക്‌സില്‍ ഡോക്ടറേറ്റ് നേടിയ ബവിത, ബോംബെ മലയാളം ടെലിവിഷന്‍ അവാര്‍ഡ് ലഭിച്ച ജ്യോതിഷ് വടകര എന്നിവരെയുമാണ് അനുമോദിച്ചത്.
ചടങ്ങ് ചരിത്ര ഗവേഷകന്‍ പി. ഹരീന്ദ്രനാഥ് ഉദ്ഘാടനം ചെയ്തു. ഇ.പി ബാലകൃഷ്ണന്‍ അധ്യക്ഷനായി. കൗണ്‍സിലര്‍ വി. ഗോപാലന്‍, പി. സോമശേഖരന്‍, ഷൈനിമ അനില്‍കുമാര്‍, ദേവനന്ദന്‍, അഖിലേഷ്‌കുമാര്‍ സംസാരിച്ചു.
വടകര: കേരള പത്മശാലിയ സംഘം പുത്തന്‍തെരു യൂനിറ്റിന്റെ ആഭിമുഖ്യത്തില്‍ കൈത്തറി മേഖലയില്‍ കഴിവുതെളിയിച്ച വ്യക്തികളെയും വിവിധ പരീക്ഷകളില്‍ ഉന്നതവിജയം നേടിയവരെയും അനുമോദിച്ചു. പുത്തന്‍തെരു ഗണപതി ക്ഷേത്ര പരിസരത്ത് നടന്ന പരിപാടി കെ.പി.എസ് ജനറല്‍ സെക്രട്ടറി വി.വി കരുണാകരന്‍ ഉദ്ഘാടനം ചെയ്തു.
കെ.പി ഭാസ്‌കരന്‍ അധ്യക്ഷനായി. കെ. ഗിരീഷ്, കെ.പി കരുണാകരന്‍, വി.എം ചന്തുക്കുട്ടി, സി.കെ കരുണാകരന്‍, കാര്‍ത്ത്യായനി ടീച്ചര്‍, ജനനി നല്ലൂര്, സിന്ധു വട്ടക്കണ്ടി, ശശി നല്ലൂര് സംസാരിച്ചു.