ഗുരുവായൂര്‍: മമ്മിയൂരില്‍ അടച്ചിട്ട വീട് കുത്തിത്തുറന്ന് 10 പവന്‍ കവര്‍ന്നു. പി.എസ്.സി മുന്‍ അംഗവും എന്‍.സി.പി തൃശൂര്‍ ജില്ലാ പ്രസിഡന്റുമായ എ.വി വല്ലഭന്റെ വീട്ടിലാണ് മോഷണം നടന്നത്.
വീടിന്റെ മുകള്‍ നിലയിലെ അലമാരയില്‍ സൂക്ഷിച്ചിരുന്ന 8 പവന്റെ ആഭരണങ്ങളും താഴെ നിലയില്‍ വസ്ത്രങ്ങള്‍ക്കിടയില്‍ സൂക്ഷിച്ചിരുന്ന 2 പവന്റെ ആഭരണങ്ങളും നഷ്ടപ്പെട്ടു. മൂന്നാറിലായിരുന്ന വല്ലഭനും കുടുംബവും ഞായറാഴ്ച പുലര്‍ച്ചെ ഒന്നരയോടെ തിരിച്ചെത്തിയപ്പോഴാണ് മോഷണ വിവരം അറിഞ്ഞത്.
വീടിന്റെ മുന്‍വാതില്‍ തകര്‍ത്താണ് മോഷ്ടാവ് അകത്ത് കടന്നിട്ടുള്ളത്. ഗുരുവായൂര്‍ ടെമ്പിള്‍ സി.ഐ യു.എച്ച് സുനില്‍ദാസിന്റെ നേതൃത്വത്തിലുള്ള പൊലിസെത്തി അന്വേഷണം ആരംഭിച്ചു.