റിയാദ്: സഊദിയിൽ ഇന്ന് 52 രോഗികൾ വൈറസ് ബാധയേറ്റു മരണപ്പെട്ടതായി സഊദി ആരോഗ്യ മന്ത്രാലയം സ്ഥിരീകരിച്ചു. കഴിഞ്ഞ 24 മണിക്കൂറിനിടെ 4,207 പേർക്ക് പുതുതായി വൈറസ് ബാധ സ്ഥിരീകരിച്ചതായും സഊദി ആരോഗ്യ മന്ത്രാലയം അറിയിച്ചു. ഇന്ന് 4,398 രോഗികളാണ് രോഗ മുക്തി നേടിയത്.

      അതേസമയം, നിലവിൽ 2,254 രോഗികൾ അതീവ ഗുരുതരാവസ്ഥയിലുമാണ്. ഇന്ന് ഏറ്റവും കൂടുതൽ വൈറസ് ബാധ സ്ഥിരീകരിച്ചത് കിഴക്കൻ പ്രവിശ്യയിലെ ഖത്വീഫിലാണ്. ഇവിടെ 437 വൈറസ് ബാധയാണ് കണ്ടെത്തിയത്. 

   ഇതോടെ രാജ്യത്തെ വൈറസ് ബാധയേറ്റുള്ള മരണം 1,969 ആയും വൈറസ്  ബാധിതർ 213,716 ആയും ഉയർന്നിട്ടുണ്ട്. ഇന്ന് 4,398 രോഗികൾ രോഗ മുക്തി നേടിയതോടെ രാജ്യത്തെ ആകെ രോഗ മുക്തി നേടിയവരുടെ എണ്ണം 149,634 ആയും ഉയർന്നു.