തൃക്കരിപ്പൂര്‍: ഉദിനൂര്‍ മമ്പഉല്‍ ഉലൂം മദ്്‌റസ 2018-19 അധ്യായന വര്‍ഷത്തേക്കുള്ള മദ്‌റസ ലീഡര്‍, ഡെപ്യൂട്ടി ലീഡര്‍ എസ്.കെ.എസ്.ബി.വി പ്രസിഡന്റ്, സെക്രട്ടറി, ട്രഷറര്‍ തുടങ്ങിയ തസ്തികകളിലേക്ക് തെരഞ്ഞെടുപ്പ് നടന്നു. 15 വിദ്യാര്‍ഥികള്‍ മത്സരിച്ചു. പഞ്ചായത്ത് മാതൃകയില്‍ നടത്തിയ തെരഞ്ഞെടുപ്പ് വിദ്യാര്‍ഥികള്‍ക്ക് ഏറെ കൗതുകമായി.
മദ്‌റസയിലെ മൂന്ന് മുതല്‍ പത്ത് വരെയുള്ള ക്ലാസിലെ വിദ്യാര്‍ഥികളാണ് വോട്ട് രേഖപ്പെടുത്തിയത്. 96 ശതമാനം പോളിങ് നടന്നു. ഉദിനൂര്‍ മമ്പഉല്‍ ഉലൂം മദ്‌റസ സദര്‍ മുഅല്ലിം അബ്ദുല്‍ റഹീം മൗലവിയുടെ നേതൃത്വത്തിലായിരുന്നു തെരഞ്ഞെടുപ്പ്. തെരഞ്ഞെടുപ്പ് ഫലം ഇന്ന് രാവിലെ എട്ടിന് മദ്‌റസയില്‍ വച്ച് നടക്കുമെന്ന് മുഖ്യ തെരഞ്ഞെടുപ്പ് കമ്മിഷണര്‍ റഷീദ് മൗലവി അറിയിച്ചു.