ഊട്ടി: നീലഗിരി ലോക്‌സഭാ മണ്ഡലത്തില്‍ ഊട്ടിയിലെ വോട്ടുകള്‍ എണ്ണുന്ന കേന്ദ്രം തെരഞ്ഞെടുപ്പ് നിരീക്ഷകന്‍ ഉസന്‍ലാല്‍ പരിശോധിച്ചു. നീലഗിരി ലോക്‌സഭാ മണ്ഡലത്തില്‍ ഊട്ടി, കുന്നൂര്‍, ഗൂഡല്ലൂര്‍, മേട്ടുപാളയം, അവനാശി, ഭവാനി സാഗര്‍ എന്നീ ആറ് നിയമസഭാ മണ്ഡലങ്ങളാണ് ഇതില്‍ ഉള്‍പ്പെടുന്നത്. ഇതില്‍ മൂന്ന് മണ്ഡലങ്ങള്‍ മലയോര പ്രദേശങ്ങളും മൂന്ന് മണ്ഡലങ്ങള്‍ സമതല പ്രദേശങ്ങളുമാണ്. ഇയ്യിടെ പുറത്തിറക്കിയ കരട് വോട്ടര്‍ പട്ടിക പ്രകാരം പതിമൂന്ന് ലക്ഷത്തി നാല്‍പ്പത്തി ഒമ്പതിനായിരത്തി എഴുനൂറ്റിനാല്‍പത് വോട്ടര്‍മാരാണുള്ളത്. അതില്‍ 65,7,991 പുരുഷ വോട്ടര്‍മാരും 69,1,684 സ്ത്രീ വോട്ടര്‍മാരുമാണ്. ആറ് നിയമസഭാ മണ്ഡലത്തില്‍ 1610 പോളിങ് ബൂത്തുകളില്‍ അവനാശി മണ്ഡലത്തില്‍ 312 ബൂത്തുകളും ഭവാനി സാഗര്‍ 2 94, മേട്ടുപാളയം 321, കുന്നൂര്‍ 229, ഊട്ടി 239, ഗൂഡല്ലൂര്‍ 221 ബൂത്തുകളുമാണ് ഏര്‍പ്പെടുത്തിയിരിക്കുന്നത്.
ആറ് മണ്ഡലങ്ങളെ കേന്ദ്രീകരിച്ച് ഊട്ടിയിലെ ഗവ. പോളിടെക്‌നിക് കേളജില്‍ വച്ചാണ് വോട്ടെണ്ണല്‍ നടക്കുക. ഓരോ നിയമസഭാ മണ്ഡലങ്ങള്‍ തിരിച്ച് ആറ് മുറികളിലായാണ് വോട്ടിങ് യന്ത്രങ്ങള്‍ വോട്ട് എണ്ണുന്ന ദിവസം വരെ സൂക്ഷിക്കുക. വോട്ടിങ് യന്ത്രങ്ങള്‍ സൂക്ഷിക്കുന്ന മുറികളുടെ വാതില്‍ ജനല്‍ എന്നിവ തകരഷീറ്റു കള്‍ കൊണ്ട് ആര്‍ക്കും പ്രവേശനമില്ലാത്ത രീതിയില്‍ ബന്ധിപ്പിക്കും. ഈ നിലക്ക് കഴിഞ്ഞ ദിവസം വോട്ടെണ്ണല്‍ കേന്ദ്രം, വോട്ടിങ് യന്ത്രങ്ങള്‍ സൂക്ഷിക്കുന്ന മുറികള്‍ നീലഗിരി ലോക്‌സഭാ മണ്ഡലത്തിലെ പ്രധാന നിരീക്ഷകന്‍ ഉസന്‍ലാല്‍ സന്ദര്‍ശിച്ചു. അദ്ദേഹത്തിന്റെ കുടെ ഊട്ടി തഹസില്‍ദാര്‍ മഹേന്ദ്രന്‍ മറ്റ് റവന്യൂ ഉദ്യോഗസ്ഥന്മാര്‍ ഉണ്ടായിരുന്നു.