കൂത്താട്ടുകുളം: പൂട്ടിക്കിടന്ന വീട് കുത്തിത്തുറന്ന് മോഷണം. ദേവമാത ആശുപത്രിക്കു സമീപമുള്ള എം.പി.ഐ ക്വാര്‍ട്ടേഴ്‌സിലെ മൂന്നാം നമ്പറിലെ താമസക്കാരന്‍ എം.പി സജീവിന്റെ വീട്ടിലാണ് മോഷണം നടന്നത്. അവധിക്ക് നാട്ടില്‍ പോയ താമസക്കാര്‍ തിരികെ എത്തിയ ശേഷം നടത്തിയ പരിശോധനയില്‍ ടി.വി മാത്രമാണ് മോഷണം പോയതെന്ന് കണ്ടെത്തി. ഇന്നലെ രാവിലെ വാതില്‍ തുറന്നു കിടക്കുന്നത് കണ്ട് പാല്‍ വില്‍പ്പനക്കാരനാണ് അയല്‍ക്കാരെ വിവരം അറിയിച്ചത്. മുട്ടം സ്വദേശികളായ അധ്യാപക ദമ്പതിമാരാണ് ഇവിടെ താമസിക്കുന്നത്. കൂത്താട്ടുകുളം പൊലിസ് അന്വേഷണമാരംഭിച്ചു.