കാക്കനാട്: നെഞ്ചുവേദനയെത്തുടര്‍ന്ന് ആശുപത്രിയില്‍ കഴിയുന്ന ബെന്നി ബഹനാനെ ശിക്കാന്‍ ചാവക്കുടിയിലെ എല്‍.ഡി.എഫ് സ്ഥാനാര്‍ഥി ഇന്നസെന്റ് എത്തി. എതിര്‍ സ്ഥാനാര്‍ഥി എന്നതിലുപരി മനുഷ്യത്വത്തിനാണ് പ്രധാന്യമെന്നും ബെന്നി ബഹനാന്റെ ഭാര്യയെ കണ്ട് സംസാരിച്ചെന്നും ആരോഗ്യനിലയില്‍ പുരോഗതി ഉണ്ടന്നറിഞ്ഞതില്‍ ഏറെ സന്തോഷമുണ്ടെന്നും ഇന്നസെന്റ് ഫേയ്‌സ്ബുക്കില്‍ കുറിച്ചു. എത്രയും വേഗം സുഖം പ്രാപിച്ചു പൂര്‍ണ ആരോഗ്യവാനായി തെരഞ്ഞെടുപ്പ് രംഗത്ത് സജീവമാകാന്‍ കഴിയട്ടെയെന്നും ഇന്നസെന്റ് പറഞ്ഞു. ആന്‍ജിയോ പ്ലാസ്റ്റിക്ക് ശേഷം തീവ്രപരിചരണ വിഭാഗത്തില്‍ കഴിയുന്ന ബെന്നി ബഹനാന്റെ ആരോഗ്യസ്ഥിതി അറിയാന്‍ വയലാര്‍ രവി അടക്കമുള്ള കോണ്‍ഗ്രസ് നേതാക്കളും എത്തി.