ഫറോക്ക്: ദേശീയപാത രാമനാട്ടുകരയിലെ മദ്യശാലയ്ക്കു മുന്‍പില്‍ സ്ഥാപിച്ച പ്രതിഷേധ ബോഡുകള്‍ സാമുഹ്യവിരുദ്ധര്‍ നശിപ്പിച്ചു. സുപ്രിംകോടതി വിധിയെ തുടര്‍ന്നു അടച്ചു പൂട്ടിയ ബീവറേജ് കോര്‍പറേഷന്റെ ഔട്ട്‌ലെറ്റ് കഴിഞ്ഞ ദിവസമാണ് തുറന്നു പ്രവര്‍ത്തനം തുടങ്ങിയത്.
ഇതിനെതിരേ ശക്തമായ പ്രതിഷേധമാണ് പ്രദേശത്തുയര്‍ന്നിരിക്കുന്നത്. മദ്യശാല അടച്ചുപൂട്ടണമെന്നു  ആവശ്യപ്പെട്ടു വിവിധ രാഷ്ട്രീയ പാര്‍ട്ടികള്‍ പ്രതിഷേധ ബോഡുകള്‍ സ്ഥാപിച്ചിരുന്നു. ഇതാണ് കഴിഞ്ഞ ദിവസം രാത്രി സാമുഹ്യവിരുദ്ധര്‍ നശിപ്പിച്ചത്. ബോഡുകളും പാര്‍ട്ടികളുടെ കൊടികളും റോഡിലേക്ക് വലിച്ചെറിഞ്ഞ നിലയിലാണ് കാണപ്പെട്ടത്.