റിയാദ്: സഊദിയിലെ അസീറിൽ വാഹനാപകടത്തിൽ മലയാളി മരിച്ചു. മൂന്നിയൂർ ആലിൻ ചുവട് സ്വദേശി എൻ എം ഹസ്സൻകുട്ടി ഹാജിയുടെ മകൻ നൂറുദ്ധീൻ ആണ് മരണപ്പെട്ടത്. ഇന്നലെ പുലർച്ചെ മൂന്നുമണിക്ക് ബിഷയിൽ വെച്ചാണ് അപകടം നടന്നത്. ഇദ്ദേഹം ഓടിച്ച വാഹനം അപകടത്തിൽ പെടുകയായിരുന്നു.

മയ്യത്ത് നാട്ടിലേക്ക് കൊണ്ട് പോകാനുള്ള നടപടികൾ പുരോഗമിക്കുന്നു. നടപടിക്രമങ്ങൾ പൂർത്തീകരിച്ച് മയ്യിത്ത് നാട്ടിലേക്ക് കൊണ്ടുപോയി ഖബറടക്കം ചെയ്യുന്നതാണന്ന് ഖമീസ് മുഷൈത്ത്‌ സെൻട്രൽ കമ്മിറ്റി പ്രസിഡണ്ട് ബഷീർ മുന്നിയൂർ അറിയിച്ചു. ബിഷ കെ എം സി സി പ്രസിഡണ്ട് ഹംസ തൈക്കണ്ടിയാണ് കാര്യങ്ങൾക്ക് നേത്രത്വം നൽകുന്നത്