ഗൂഡല്ലൂര്‍: കാട്ടാനയുടെ ആക്രമണത്തില്‍ മധ്യവയസ്‌കന് പരുക്കേറ്റു. കൊളപ്പള്ളി സ്വദേശി ശ്രീനിവാസന്റെ മകന്‍ ദില്ലൈവാസന്‍ (44) നാണ് പരുക്കേറ്റത്. ഇയാളെ ഗൂഡല്ലൂര്‍ താലൂക്ക് ആശുപത്രിയിലും തുടര്‍ന്ന് ഊട്ടി ജില്ലാ ആശുപത്രിയിലും പ്രവേശിപ്പിച്ചു. കഴിഞ്ഞ ദിവസം രാത്രിയിലാണ് സംഭവം. മാംങ്കോറഞ്ച് ബസ് സ്റ്റോപ്പില്‍ വച്ചാണ് ഇയാളെ കാട്ടാന ആക്രമിച്ചത്. കൂടെയുണ്ടായിരുന്നവര്‍ ഓടി രക്ഷപ്പെട്ടു. സംഭവസമയത്ത് ഇതുവഴി ഇരുചക്രവാഹനം വന്നതോടെ കാട്ടാന പിന്തിരിഞ്ഞതിനെത്തുടര്‍ന്നാണ് ഇയാള്‍ രക്ഷപ്പെട്ടത്. ഒന്നാംമൈലില്‍ നിന്ന് ജോലി കഴിഞ്ഞ് വീട്ടിലേക്ക് പോകാന്‍ വാഹനം കാത്ത് നില്‍ക്കുകയായിരുന്നു ഇയാള്‍.