തൊട്ടില്‍പ്പാലം: രണ്ടു ദിവസം മുന്‍പാണ് മുസ്‌ലിം ലീഗ് പ്രസ്ഥാനത്തെ നെഞ്ചേറ്റുന്ന നസീറുദ്ദീന്‍ വേളം പുത്തലത്തെ വീടിനടുത്ത് പച്ചയില്‍ ചാലിച്ച കൊടിമരസ്തൂപം സ്ഥാപിച്ചത്.
വളരെ വേഗത്തിലാണ് ഇതിന്റെ നിര്‍മാണ പ്രവൃത്തികള്‍ പൂര്‍ത്തീകരിച്ചത്. പെയിന്റിങ് ജോലിയടക്കം തീര്‍ത്ത് രണ്ടുദിവസം കഴിയും മുന്‍പെ എസ്.ഡി.പി.ഐ അക്രമികളുടെ കൊലക്കത്തിക്ക് ഇരയായി നസീറുദ്ദീന്‍ വിടപറയുകയായിരുന്നു.
നസീറുദ്ദീന്റെ വിയോഗ വാര്‍ത്തയറിഞ്ഞെത്തിയവര്‍ നിറമിഴികളോടെയാണ് വഴിയരികില്‍ തലയുയര്‍ത്തി നില്‍ക്കുന്ന കൊടിമരസ്തൂപത്തിനടത്തുകൂടി നടന്നു നീങ്ങിയത്.