ശ്രീകൃഷ്ണപുരം: കരിമ്പുഴ പേഴുംമട്ട പുഴയോര പ്രദേശത്ത് മദ്യ- മയക്ക് മരുന്നു ലോബികളുടെ ശല്യം പ്രദേശവാസികള്‍ക്ക് അസഹ്യമാകുന്നു. സ്ത്രീകളുടെ കുളിക്കടവിനടുത്താണ് മദ്യപാന്‍മാരുടെ വിളയാട്ടം.
നിരവധി മദ്യക്കുപ്പികളാണ് പുഴക്കരികില്‍  കണ്ടെത്തിയത്. ഇതിനാല്‍ പുഴയില്‍ കുളിക്കാന്‍ വരുന്നുവര്‍ക്ക് മദ്യകുപ്പിയുടെ ചില്ല് തട്ടി കാലില്‍ മുറിവ് പറ്റുന്നുണ്ട്. മൂന്ന് പ്രധാന കുടിവെള്ള പദ്ധതിയുടെ സ്രോതസായ കരിമ്പുഴ മലിനമാകുകയും ചെയ്യുന്നു. മദ്യത്തിന്റെയും മയക്ക് മരുന്നിന്റെയും നിരവധി അവശിഷ്ടങ്ങള്‍ ഇവിടെ കുമിഞ്ഞ് കൂടിയിട്ടുണ്ടണ്ട്. പരിസരവാസികള്‍ക്കും കുളിക്കാന്‍ വരുന്നുവര്‍ക്കും ഇവരുടെ അഴിഞ്ഞാട്ടം രൂക്ഷമായ ശല്യമായിത്തീരുകയാണ്.
രാത്രിയിലാണ് ഇവരുടെ സംഘം ചേരല്‍. നാട്ടുകാര്‍  പൊലിസില്‍ പരാതിപ്പെടാന്‍ തയ്യാറായി നില്‍ക്കുകയാണ്.
ഇതിനെതിരേ ബന്ധപ്പെട്ടവര്‍ ഉടന്‍ നടപടി എടുക്കണമെന്ന് നാട്ടുകാര്‍ ആവശ്യപ്പെട്ടു.