കണ്ണൂര്‍: അനക്‌സ് കെട്ടിടത്തിലെ വൈദ്യുതിബന്ധം വിഛേദിക്കപ്പെട്ടതിനു പിന്നാലെ കലക്ടറേറ്റ് ഉള്‍പ്പെടെയുള്ള ഓഫിസുകളിലേക്കുള്ള ജലവിതരണവും മുടങ്ങി.
കലക്ടറേറ്റ്, അനുബന്ധ ഓഫിസ് സമുച്ചയമായ അനക്‌സ് എന്നിവിടങ്ങളിലേക്കുള്ള ജലവിതരണമാണു തടസപ്പെട്ടത്. പമ്പ് ഹൗസിനു പ്രത്യേക മീറ്റര്‍ സ്ഥാപിക്കണമെന്ന നിര്‍ദേശം പാലിക്കാത്തതിനാല്‍ ഫ്യൂസ് കെ.എസ്.ഇ.ബി അധികൃതര്‍ ഊരിയിരിക്കുകയാണ്. ഓരോ ഓഫിസുകള്‍ക്കും പ്രത്യേക വൈദ്യുത മീറ്ററുകള്‍ വേണമെന്നാണു ചട്ടം.
എന്നാല്‍ കലക്ടറേറ്റിലും അനുബന്ധ കെട്ടിടമായ അനെക്‌സിലും മൂന്നും നാലും ഓഫിസുകള്‍ക്കായി ഓരേ മീറ്ററാണ്. വൈദ്യുതി ബില്‍ ഓരോ ഓഫിസും പങ്കുവച്ച് അടയ്ക്കുന്നതിനാല്‍ പലപ്പോഴും കാലതാമസം വരാറുണ്ട്.
ഈ രീതി മാറ്റണമെന്നു കാണിച്ച് വൈദ്യുതിവകുപ്പ് രണ്ടുവര്‍ഷം മുമ്പ് ബന്ധപ്പെട്ട ഓഫിസ് മേധാവികള്‍ക്കു കത്ത് നല്‍കിയിരുന്നെങ്കിലും മീറ്റര്‍ മാറ്റുന്നതിന് ഇവരുടെ ഭാഗത്തുനിന്നു നടപടിയുണ്ടായിട്ടില്ല.