വടകര: മനംനിറയുന്ന കൗമാര-യൗവന കലാപ്രകടനങ്ങളുടെ രാപകലുകള്‍ക്ക് തിരശ്ശീല വീണപ്പോള്‍ കിരീടമണിഞ്ഞ് ഫാറൂഖ് കോളജ്. 321 പോയിന്റ് നേടിയാണ് കാലിക്കറ്റ് സര്‍വകലാശാല ബി.സോണ്‍ കലോത്സവത്തില്‍ ഫാറൂഖ് കോളജ് ഒന്നാം സ്ഥാനത്തെത്തിയത്.
രïാം സ്ഥാനത്തുള്ള സെന്റ് ജോസഫ് ദേവഗിരി 238 പോയന്റ് കരസ്ഥമാക്കി. പ്രൊവിഡന്‍സ് കോളജിന് 59 പോയന്റ് ലഭിച്ചു. മുഖ്യ എതിരാളികളായ സെന്റ് ജോസഫ് ദേവഗിരിയെ ബഹുദൂരം പിന്നിലാക്കിയാണ് ഫാറൂഖ് കോളജ് ഇത്തവണ ജേതാക്കളായത്.
വൈകിട്ട് നടന്ന സമാപന സമ്മേളനം നടന്‍ വിനായകന്‍ ഉദ്ഘാടനം ചെയ്തു. മിസ്ഹബ് കീഴരിയൂര്‍ അധ്യക്ഷനായി.
എന്‍.പി അബ്ദുല്ല ഹാജി, പുത്തൂര്‍ അസീസ്, ഷബീര്‍ ഷാജഹാന്‍, നിഷാദ് കെ. സലീം, കെ.ടി റഊഫ്, ഇബ്രാഹിം ഹാജി, സി.ടി ഷരീഫ്, കെ.എം ഫവാസ്, എ.പി അബ്ദുസ്സമദ്, വി.പി ദുല്‍ഖിഫില്‍, കോട്ടക്കല്‍ അഷ്‌റഫ്, കെ. സജീവന്‍ മാസ്റ്റര്‍, വി.ടി സൂരജ്, അഫ്‌നാസ് ചോറോട്, അന്‍സാര്‍ മുകച്ചേരി, നഫ്‌സല്‍ വടകര, അംജിത് സംസാരിച്ചു. ലത്തീഫ് തുറയൂര്‍ സ്വാഗതവും മുഹമ്മദ് സ്വാഹിബ് നന്ദിയും പറഞ്ഞു.