കോഴിക്കോട്: ലോക്ക് ഡൗണിനെ തുടര്‍ന്ന് കേരളത്തില്‍ കുടുങ്ങിയ രണ്ടു യു.എ.ഇ പൗരന്മാര്‍ ഉള്‍പ്പെടെ 172 യാത്രക്കാരുമായി കേരളത്തില്‍ നിന്നുള്ള ആദ്യ ചാര്‍ട്ടേഡ് വിമാനം യു.എ.ഇയില്‍ പറന്നിറങ്ങി. ദുബൈ കേന്ദ്രീകരിച്ച് പ്രവര്‍ത്തിക്കുന്ന ബിസിനസ് സ്ഥാപനമായ എമിറേറ്റ്‌സ് കമ്പനീസ് ഹൗസാണ് വിമാനം ചാര്‍ട്ടര്‍ ചെയ്തിരിക്കുന്നത്. നടപടിക്രമങ്ങള്‍ പൂര്‍ത്തിയാക്കി ഞായറാഴ്ച ഉച്ചയ്ക്ക് മൂന്നരയോടെയാണ് വിമാനം കരിപ്പൂര്‍ വിമാനത്താവളത്തില്‍നിന്ന് പുറപ്പെട്ടത്. ഇന്ത്യന്‍ സമയം വൈകിട്ട് 7.30നു റാസല്‍ഖൈമയിലെത്തി. 

എമിറേറ്റ്‌സ് കമ്പനീസ് ഹൗസ് മാനേജിങ് ഡയരക്ടര്‍ ഇഖ്ബാല്‍ മാര്‍കോണിയുടെ നിരന്തരമായ ശ്രമഫലമായാണ് ഇവരുടെ മടക്കയാത്ര സാധ്യമായത്.