മുംബൈ: രാജ്യത്തെ രക്തബാങ്കുകള്‍ തമ്മില്‍ ഏകോപനമില്ലാത്തതിനാല്‍ കഴിഞ്ഞ അഞ്ച് വര്‍ഷത്തിനിടെ 28 ലക്ഷം യൂനിറ്റോളം രക്തവും അനുബന്ധ ഘടകങ്ങളും നശിച്ചതായി റിപ്പോര്‍ട്ട്. രാജ്യത്ത് മൊത്തം ഉപയോഗിക്കുന്ന രക്തത്തിന്റെ ആറ് ശതമാനത്തോളം വരുമിത്.
രാജ്യത്ത് ഓരോ വര്‍ഷവും 30 ലക്ഷത്തോളം യൂനിറ്റ് രക്തത്തിന്റെ കുറവ് അനുഭവപ്പെടുമ്പോഴാണ് ആശുപത്രികളിലെ അശ്രദ്ധമൂലം രക്തവും അനുബന്ധ ഘടകങ്ങളും നഷ്ടമാകുന്നത്. രക്തം, പ്ലാസ്മ, പ്ലേറ്റ്‌ലറ്റ് എന്നിവയുടെ ദൗര്‍ലഭ്യം രോഗികള്‍ മരിക്കുന്നതിന് കാരണമാകും. മഹാരാഷ്ട്ര, ഉത്തര്‍പ്രദേശ്, കര്‍ണാടക, തമിഴ്‌നാട് എന്നീ സംസ്ഥാനങ്ങളാണ് രക്തം പാഴാക്കിക്കളയുന്നതില്‍ മുന്നില്‍. 2016-17 ല്‍ മാത്രം 6.57 ലക്ഷം യൂനിറ്റ് രക്തമാണ് പാഴാക്കിക്കളഞ്ഞത്. നഷ്ടപ്പെടുത്തിക്കളയുന്നതില്‍ 50 ശതമാനവും പ്ലാസ്മ ആണ്.