കൊടകര: പുലിപ്പാറയിലുണ്ടായ ബൈക്കപകടത്തില്‍ മരിച്ച എറണാകുളം ലോ കോളജ് ചെയര്‍മാന്‍ അന്തവിഷ്ണുവിന് അന്ത്യാഞ്ജലിയര്‍പ്പികാന്‍ ഉന്നത നേതാക്കളടക്കം നിരവധി പേരെത്തി. ഇന്നലെ വൈകിട്ട് 5.15 ഓടെ സംസ്‌കാര ചടങ്ങ് നടത്തി.
തുടര്‍ന്ന് നടന്ന അനുശോചന യോഗത്തിലും മുതിര്‍ന്ന നേതാക്കളടക്കം നിരവധി പേര്‍ പങ്കെടുത്തു. മുന്‍ മുഖ്യമന്ത്രി ഉമ്മന്‍ചാണ്ടി, കെ.പി.സി.സി പ്രസിഡന്റ് വി.എം സുധീരന്‍, കെ.ബാബു എം.എല്‍.എ., വി.ടി ബല്‍റാം എം.എല്‍.എ, പി.ടി തോമസ് എം.എല്‍.എ, അന്‍വര്‍ സാതത്ത് എം.എല്‍.എ, ഹൈബിഈഡന്‍ എം.എല്‍.എ, പി.എ മാധന്‍, കെ.പി വിശ്വനാഥന്‍, ബെന്നി ബഹനാന്‍, ടി.യു രാധാകൃഷ്ണന്‍, ജോസ് വള്ളൂര്‍, കെ.എസ്.യു സംസ്ഥാന പ്രസിഡന്റ് വി.എസ് ജോയ്, എ.എം. രോഹിത്, സബീര്‍ മുട്ടം, പ്രമോദ് തത്തക്കുടം, സൗമിനി ജയന്‍, വി.ജെ. പൗലോസ്, കൊടകര മണ്ഡലം പ്രസിഡന്റ് ഷൈന്‍ മുണ്ടക്കല്‍, മറ്റത്തൂര്‍ മണ്ഡലം പ്രസിഡന്റ് ടി.എം. ചന്ദ്രന്‍, ഷോണ്‍ പല്ലിശേരി, രഞ്ജിത്ത് വി.ആര്‍. ഡെല്‍വിന്‍ വര്‍ഗീസ്, രജീവ്, തൃശൂര്‍, എറണാകുളം ജില്ലാ കെ.എസ്.യു കമ്മിറ്റികളും ആദരാഞ്ജലികളര്‍പ്പിക്കാനെത്തി. വെള്ളിയാഴ്ച വൈകിട്ട് ഇരിങ്ങാലക്കുട റെയില്‍വേ സ്റ്റേഷനില്‍ നിന്നും വീട്ടിലേക്കുള്ള യാത്രാമധ്യേയാണ് അപകടം ഉണ്ടായത്. സൈക്കിളിന്റെ പുറകില്‍ ബൈക്കിടിച്ച് റോഡില്‍ തലയടിച്ച് വീണാണ് അപകടമുണ്ടായത്