ബാങ്കോക്ക്: തായ്‌ലന്‍ഡ് ഗുഹയില്‍ നിന്ന് 12 കുട്ടികളെയും അവരുടെ കോച്ചിനെയും പുറത്തെത്തിച്ചത് സ്വപ്‌ന പൂര്‍ത്തീകരണമാണന്ന് തായ് നേവി സീല്‍ തലവന്‍ അര്‍പകോണ്‍ യുഗോങ്ക്വാ പറഞ്ഞു. അവര്‍ ഗുഹക്കുള്ളില്‍ ജീവിച്ചിരിപ്പുണ്ടാവുമെന്ന് ചെറിയ പ്രതീക്ഷ മാത്രമാണുണ്ടായിരുന്നത്. ആ പ്രതീക്ഷയുമായാണ് രക്ഷാപ്രവര്‍ത്തനം നടത്തിയതെന്ന് അദ്ദേഹം ബി.ബി.സിക്ക് നല്‍കിയ അഭിമുഖത്തില്‍ പറഞ്ഞു.
ജൂണ്‍ 23 മുതല്‍ താം ലുവാങ് ഗുഹയില്‍ അകപ്പെട്ടവരെ രക്ഷപ്പെടുത്തിയത് അത്ഭുതത്തോടെയാണ് വിലയിരുത്തിയത്. മൂന്ന് ദിവസത്തെ ഓപറേഷനിലൂടെയാണ് കുട്ടികളെയും കോച്ചിനെയും പുറത്തെത്തിച്ചത്. ചിയാങ് റായിലെ ആശുപത്രിയില്‍ കഴിയുന്ന 13 പേരും ചികിത്സയിലാണ്.