ഐക്കരപ്പടി: ചെറുകാവ് പഞ്ചായത്തിലെ പൂച്ചാല്‍ മുസ്‌ലിം ലീഗ് കമ്മിറ്റിക്ക് കീഴിലുള്ള ശിഹാബ് തങ്ങള്‍ റിലീഫ് സെല്‍ നിര്‍മ്മിച്ച രണ്ടാമത് ബൈത്തുറഹ്മയുടെ താക്കോല്‍ദാനം മുസ്‌ലിം യൂത്ത് ലീഗ് സംസ്ഥാന പ്രസിഡണ്ട് പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വ്വഹിച്ചു.
കൊണ്ടോട്ടി ബ്ലോക്ക് പഞ്ചായത്ത് മെമ്പര്‍ എ കമ്മദ് അധ്യക്ഷനായി.
  ടി.വി. ഇബ്രാഹിം എം.എല്‍.എ,അശ്‌റഫ് മടാന്‍,നസീം പുളിക്കല്‍, പി.കെ.മൂസ്സഹാജി,കെ.ടി.സക്കീര്‍ബാബു, ചെറുകാവ് ഗ്രാമപഞ്ചായത്ത് വൈസ് പ്രസിഡണ്ട് പി.വി.എ ജലീല്‍, എം.അലവിക്കുട്ടി,പ്രമോദ്  ഐക്കരപ്പടി, പി.വി.അഹമ്മദ് സാജു, പി.ടി.മൂസ്സക്കോയ,പൂച്ചാല്‍ മഹല്ല് ഖതീബ് അബ്ദുല്‍ ഗഫൂര്‍ യമാനി, റസാഖ് കള്ളിയില്‍,  കെ.ടി.നവാസ്, സലീം ഇല്ലിക്കല്‍, ടി.അസ്‌ലം  സംസാരിച്ചു.
  പൊതുയോഗം കൊണ്ടോട്ടി നിയോജകമണ്ഡലം മുസ്‌ലിംലീഗ് പ്രസിഡണ്ട് പി.എ ജബ്ബാര്‍ ഹാജി ഉദ്ഘാടനം ചെയ്തു. ടി മുഹമ്മദ് ബാവ അധ്യക്ഷത വഹിച്ചു.
വെട്ടം ആലിക്കോയ, സിദ്ദീഖലി രാങ്ങാട്ടൂര്‍, അസ്‌കര്‍ ഫറോക്ക്,എ അബ്ദുല്‍കരീം,ബഷീര്‍ പൂച്ചാല്‍, എ.എം ശാഫി പൂച്ചാല്‍, എറിയാട്ട് നസ്‌റു, പി ബദറുദ്ദീന്‍ സംസാരിച്ചു.