കാസര്‍കോട്: ചൂരി മസ്ജിദിലെ റിയാസ് മൗലവിയെ കൊലപ്പെടുത്തിയതിന് പിന്നിലെ ഗൂഢാലോചന പുറത്ത് കൊണ്ടുവരണമെന്നാവശ്യപ്പെട്ടു യുവജന കൂട്ടായ്മ നടത്തി. കാസര്‍കോട്ട് സമാധാനം നിലനിര്‍ത്താന്‍ നടപടി സ്വീകരിക്കണമെന്ന ആവശ്യവും കൂടി ഉന്നയിച്ചാണ് കാസര്‍കോട് യുവജന കൂട്ടായ്മയുടെ നേതൃത്വത്തില്‍ കലക്ട്രേറ്റ് പരിസരത്ത് ഇന്നലെ രാവിലെ മുതല്‍ വൈകുന്നേരം വരെ കൂട്ടായ്മ നടത്തിയത്.
സി.കെ അബ്ദുല്‍ അസീസ് സമാപന ചടങ്ങ് ഉദ്ഘാടനം ചെയ്തു. ഇബ്രാഹിം ബാങ്കോട്, ഉബൈദുല്ല കടവത്ത്, ഹാരിസ് ബന്നു, സുബൈര്‍ പടുപ്പ്, ഖാദര്‍ പാലോത്ത്, റാഷിദ് മോളൂരി, ഗോപി കുതിരക്കാല്‍, ഉസ്മാന്‍ കടവത്ത്, യൂനുസ് തളങ്കര, റഹ്മാന്‍ തൊട്ടാന്‍, കബീര്‍ ദര്‍ബാര്‍, എം.എം.കെ സിദ്ദിഖ്, ബദ്റുദ്ദീന്‍ കറന്തക്കാട്, സെയ്ദലവി തൃക്കരിപ്പൂര്‍, സൈഫുദ്ദീന്‍ മാക്കോട്, മുഹമ്മദലി ഫത്താഹ്, അബ്ദുല്‍ റഹ്മാന്‍ തെരുവത്ത്, ഹമീദലി ചാത്തങ്കൈ എന്നിവര്‍ സംസാരിച്ചു.