എടച്ചേരി: വിദ്യാര്‍ഥിനികള്‍ക്കായി തൂണേരി ബി.ആര്‍.സി സംഘടിപ്പിക്കുന്ന ഫുട്‌ബോള്‍ പരിശീലനത്തിന് മുതുവടത്തൂര്‍ മാപ്പിള യു.പി സ്‌കൂളില്‍ തുടക്കമായി.
 അഞ്ചു മുതല്‍ ഏഴാം ക്ലാസു വരെയുള്ള തിരഞ്ഞെടുത്ത 40 പെണ്‍കുട്ടികള്‍ക്കാണ് ആദ്യഘട്ടത്തില്‍ പരിശീലനം നല്‍കുന്നത്.  പരിശീലന ക്യാംപ് എം.എം.യു.പി സ്‌കൂള്‍ പ്രധാനാധ്യാപകന്‍ പി. കുഞ്ഞബ്ദുല്ല മാസ്റ്റര്‍ ഉദ്ഘാടനം ചെയ്തു. ബി.ആര്‍.സി കോഡിനേറ്റര്‍ പ്രകാശന്‍ മാസ്റ്റര്‍ അധ്യക്ഷനായി. കോച്ച്  എം.കെ പ്രദീപന്‍ മാസ്റ്റര്‍ സംസാരിച്ചു.