ഗുണ്ടൂര്‍: ആന്ധ്രാപ്രദേശില്‍ വോട്ടെടുപ്പിനിടെ സംഘര്‍ഷം. വെസ്റ്റ് ഗോദാവരിയില്‍ വൈ.എസ്.ആര്‍ കോണ്‍ഗ്രസ് നേതാവിന് കുത്തേറ്റു. ടി.ഡി.പി പ്രവര്‍ത്തകരും വൈ.എസ്.ആര്‍ പ്രവര്‍ത്തകരും തമ്മില്‍ പോളിങ് ബൂത്തിനകത്ത് വെച്ചാണ് സംഘര്‍ഷമുണ്ടായത്.

പൊലിസ് ലാത്തി വീശി പ്രവര്‍ത്തകരെ പോളിങ് ബൂത്തിനുള്ളില്‍ നിന്നും പുറത്താക്കി. ഇതിന് ശേഷമാണ് വൈ.എസ്.ആര്‍ പ്രവര്‍ത്തകന് കുത്തേറ്റത്. ഇയാളെ ആശുപത്രിയിലേക്ക് മാറ്റി.

ആന്ധ്രാപ്രദേശിലെ ഗുണ്ടൂരിലും പോളിങ്ങിനിടെ സംഘര്‍ഷം ഉടലെടുത്തു. ഇവിടെ ടി.ഡി.പി പ്രവര്‍ത്തകര്‍ പോളിങ് ബൂത്ത് തകര്‍ത്തു. ആന്ധ്രപ്രദേശിലെ വിവിധയിടങ്ങളില്‍ വോട്ടിങ് യന്ത്രം പണിമുടക്കുന്നുണ്ടെന്ന പരാതിയും ഉയരുന്നുണ്ട്.