തിരുവനന്തപുരം: എല്ലാം ശരിയാക്കുമെന്നു പറഞ്ഞ് ഭരണത്തിലേറിയവര്‍ക്കു വീഴ്ചകള്‍ തുറന്നുപറയാന്‍ മാത്രമേ സാധിക്കുന്നുള്ളൂവെന്നു മുന്‍ മന്ത്രി പി.കെ അബ്ദുറബ്ബ്. എസ്.ഇ.യു ജില്ലാസമ്മേളനം തിരുവനന്തപുരം പാണക്കാട് ജില്ലയില്‍ ഉദ്ഘാടനം ചെയ്യുകയായിരുന്നു അദ്ദേഹം.
സാധാരണക്കാരുടെ റേഷനും കുടിവെള്ളവും മുട്ടിച്ച സര്‍ക്കാര്‍ കൈയേറ്റക്കാര്‍ക്ക് ഒത്താശചെയ്യാന്‍ ഒരു മണി മന്ത്രിയെ ചുമതലപ്പെടുത്തിയിരിക്കുന്നു. അവകാശ നിഷേധങ്ങള്‍ക്കെതിരേ പോരാടാന്‍ എല്ലാ മേഖലയിലുള്ളവരും തയ്യാറാകണമെന്നും അദ്ദേഹം പറഞ്ഞു.
ജില്ലാ പ്രസിഡന്റ് പോത്തന്‍കോട് റാഫി അധ്യക്ഷതവഹിച്ചു. പി. ഉബൈദുള്ള എം.എല്‍.എ മുഖ്യപ്രഭാഷണം നടത്തി. നസീം ഹരിപ്പാട്, എ.എം അബൂബക്കര്‍, ബീമാപ്പള്ളി റഷീദ്, തോന്നയ്ക്കല്‍ ജമാല്‍, സിബി മുഹമ്മദ്, കണിയാപുരം ഹലീം, അഡ്വ. എം റഹമത്തുള്ള, എസ്.എ വാഹിദ്, എം. ഫസലുദ്ദീന്‍ രജാജ് തുടങ്ങിയവര്‍ പങ്കെടുത്തു.