കോതമംഗലം: ലഹരി ഗുളികകളുമായി മൂന്ന് യുവാക്കളെ എക്‌സൈസ് സംഘം പിടികൂടി. ചേര്‍ത്തല അറയ്ക്കപറമ്പില്‍ റമീസ് (25), വരാപ്പുഴ അരാമത്ത്‌നികര്‍ വൈശാഖ് (24), കൊച്ചി കുങ്ങായില്‍ സുള്‍ഫിക്കര്‍ (21) എന്നിവരെയാണ് കുട്ടമ്പുഴ എക്‌സൈസ് ഇന്‍സ്‌പെക്ടര്‍ ടി.പി.സജീവ് കുമാറും സംഘവും അറസ്റ്റ് ചെയ്തത്.
നേര്യമംഗലത്തിന് സമീപം നടത്തിയ വാഹന പരിശോധനക്കിടയിലാണ് പ്രതികളെ പിടിയിലായത്.ഇവരില്‍ നിന്നും വില്പനക്കെത്തിച്ച 42 ഗുളികകള്‍ കണ്ടെടുത്തു.മാനസിക രോഗ ചികിത്സക്ക് ഉപയോഗിക്കുന്ന നൈട്രോസ് പാം എന്ന ഗുളികകളാണ് ഇവരുടെ കൈവശം ഉണ്ടായിരുന്നത്. വിദ്യാര്‍ധികള്‍ക്കും വിദേശ വിനോദസഞ്ചാരികള്‍ക്കും വില്പന നടത്തുന്നതിനായി എത്തിച്ചതായിരുന്നു. തമിഴ്‌നാട്ടില്‍ നിന്നും നാല് രൂപ നിരക്കില്‍ വാങ്ങുന്ന ഗുളിക 100 മുതല്‍ 500 രൂപ വരെ നിരക്കിലാണ് വിറ്റഴിച്ചിരുന്നത്.