മഞ്ചേരി: 135 കഞ്ചാവ് പൊതികളുമായി രണ്ടു യുവാക്കള്‍ മഞ്ചേരി എക്‌സൈസ് വകുപ്പിന്റെ പിടിയില്‍. പയ്യനാട് നെല്ലിക്കുത്ത് കിയക്കെതില്‍ ഇബ്രാഹീം(48), എടവണ്ണ പത്തപ്പിരിയം സ്വദേശി താങ്കയത്തില്‍ വീട്ടില്‍ റിയാസ് ബാബു(36)എന്നിവരാണ് പിടിയിലായത്. മഞ്ചേരി നഗരവും വിദ്യാഭ്യാസ സ്ഥാപനങ്ങളും കേന്ദ്രീകരിച്ച് വില്‍പ്പന നടത്തുകയായിരുന്ന ഇവര്‍ കഴിഞ്ഞ രണ്ടു ദിവസമായി എക്‌സൈസ് വകുപ്പിന്റെ നിരീക്ഷണത്തിലായിരുന്നു. ഒരു പൊതി കഞ്ചാവ് മുന്നൂറ് രൂപ വിലക്ക് വീതം വില്‍പന നടത്തി വരികയായിരുന്നു പ്രതികള്‍.
മഞ്ചേരി എക്‌സൈസ് ഇന്‍സ്‌പെക്ടര്‍ ഇ.ജിനീഷിന്റെ നേതൃത്വത്തിലുഉള്ള സംഘമാണ് ഇവരെ പിടികൂടിയത്. അസിസ്റ്റന്റ് ഇന്‍സ്‌പെക്ടര്‍ അബ്ദുല്‍ ബഷീര്‍, പ്രിവന്റീവ് ഓഫീസര്‍മാരായ സാജിദ്, ദിബീഫ് സന്തോഷ്, കൃഷ്ണന്‍, കെ.പി മനോജ്, ഷണ്‍മുഖന്‍ എന്നിവരും സംഘത്തില്‍ ഉണ്ടായിരുന്നു.