ചേലക്കര: കേരളാ കോണ്‍ഗ്രസ് (എം) ചെയര്‍മാന്‍ കെ.എം മാണിയുടെ നിര്യാണത്തെ തുടര്‍ന്ന് വെട്ടിച്ചുരുക്കിയ ആലത്തൂര്‍ ലോക്‌സഭ മണ്ഡലം യു.ഡി.എഫ് സ്ഥാനാര്‍ഥി രമ്യ ഹരിദാസിന്റെ തെരഞ്ഞെടുപ്പ് പ്രചാരണ പരിപാടി ഇന്നലെ ആരംഭിച്ചത് ഉച്ചതിരിഞ്ഞ് മൂന്നിന് ശേഷം.
കാലത്ത് എട്ടിന് തിരുവില്വാമല പട്ടി പറമ്പില്‍നിന്ന് ആരംഭിയ്ക്കാന്‍ തീരുമാനിച്ചിരുന്ന പര്യടനം 19 കേന്ദ്രങ്ങള്‍ വേണ്ടെന്ന് വച്ച് ഉച്ച തിരിഞ്ഞ് 3.30ന് കല്ലേപ്പാടത്ത്‌നിന്ന് ആരംഭിച്ചപ്പോള്‍ തന്നെ ആവേശം വാനോളമായിരുന്നു.
രാത്രി ഏറെ വൈകിയാണ് തോന്നൂര്‍ക്കര പാറപുറത്ത് പര്യടനം സമാപിച്ചത്.
പി.എം അമീര്‍, ഇ. വേണുഗോപാലമേനോന്‍ , ജോണി മണിച്ചിറ എന്നിവര്‍ നേതൃത്വം നല്‍കി.