കല്‍പ്പറ്റ: ജില്ലയിലെ കനത്ത മഴയെ തുടര്‍ന്ന് വീടുകളില്‍ നിന്നും ദുരിതാശ്വാസ ക്യാംപുകളിലേക്ക് മാറ്റി താമസിപ്പിച്ച കുടുംബങ്ങള്‍ക്ക് ആവശ്യമായ ഭക്ഷണവും മരുന്നും പ്രാഥമികാവശ്യങ്ങള്‍ നിറവേ റ്റാനുള്ള സൗകര്യങ്ങളും അടിയന്തരമായി ഒരുക്കണമെന്ന് എസ്.ടി.യു ജില്ലാ കമ്മിറ്റി യോഗം ആവശ്യപ്പെട്ടു. യോഗത്തില്‍ ജില്ലാ പ്രവര്‍ത്തക സമിതിയും ജില്ലാ സെക്രട്ടറിയേറ്റും രൂപീകരിച്ചു.
ജില്ലാ പ്രസിഡന്റ് പി.വി കുഞ്ഞുമുഹമ്മദ് അധ്യക്ഷനായി. സി മൊയ്തീന്‍കുട്ടി, സി. മുഹമ്മദ് ഇസ്മായില്‍, കെ. അബ്ദുറഹിമാന്‍, അബ്ദുറഹിമാന്‍ ആയങ്കി, ഇബ്രാഹീം പടയന്‍, സി. മമ്മി, എ. ദേവകി, ടി. ഹംസ, എ.പി ഹമീദ് സംസാരിച്ചു.