വെങ്ങപ്പള്ളി: ശംസുല്‍ ഉലമാ ഇസ്‌ലാമിക് അക്കാദമി റമദാന്‍ കാംപയിന്‍ ഉദ്ഘാടനം നാളെ നടക്കും. കാംപയിന്‍ പ്രവര്‍ത്തനങ്ങള്‍ക്ക് നേതൃത്വം നല്‍കാന്‍ പി.സി ഇബ്രാഹിം ഹാജി ചെയര്‍മാന്‍, ടി.കെ അബൂബക്കര്‍ മൗലവി കണ്‍വീനര്‍, എം മുഹമ്മദ് ബഷീര്‍ ട്രഷറര്‍ എന്നിവരടങ്ങുന്ന സംഘാടക സമിതിക്ക് രൂപം നല്‍കി.
കാംപയിന്റെ ഭാഗമായി മേഖലകളില്‍ നേതൃസംഗമം, അനുസ്മരണ പരിപാടികള്‍, മഹല്ല് തല കുടുംബസംഗമങ്ങള്‍, റംസാന്‍ പ്രഭാഷണങ്ങള്‍ തുടങ്ങിയവ നടത്തും. മേഖലാ സംഗമങ്ങളുടെ ജില്ലാ തല ഉദ്ഘാടനം നാളെ വൈകിട്ട് നാലിന് പൊഴുതന ടൗണ്‍ മദ്‌റസ ഹാളില്‍ സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ നിര്‍വഹിക്കും. മുഹമ്മദ് കുട്ടി ഹസനി മുഖ്യപ്രഭാഷണം നടത്തും 29ന് കല്‍പ്പറ്റ മേഖല സംഗമം ചുണ്ട മദ്‌റസ ഹാളിലും മെയ് ഒന്നിന് മേപ്പാടി മേഖല നാലിന് ഡബ്ല്യു.എം.ഒ സ്‌കൂളിലും റിപ്പണ്‍ മേഖല വൈകിട്ട് നാലിന് ദാറുല്‍ ഉലൂം മദ്‌റസയിലും വച്ച് നടക്കും.