കോഴിക്കോട്: തരിമ്പെങ്കിലും ജനാധിപത്യ മര്യാദയുണ്ടെങ്കില്‍ പി.സി ജോര്‍ജ് എം.എല്‍.എ സ്ഥാനം രാജിവച്ച് ജനവിധി തേടണമെന്ന് എസ്.ഡി.പി.ഐ സംസ്ഥാന ജനറല്‍ സെക്രട്ടറി പി. അബ്ദുല്‍ ഹമീദ് ആവശ്യപ്പെട്ടു.

ഇടത്, വലത് മുന്നണികളുടെ കാപട്യം തുറന്നുകാട്ടി ഫാസിസ്റ്റ് വിരുദ്ധതയും ജനപക്ഷബദലും ഉയര്‍ത്തി ഒറ്റയാള്‍ പോരാട്ടത്തിന് തയാറായപ്പോഴാണ് എസ്.ഡി.പി.ഐ അദ്ദേഹത്തെ പിന്തുണച്ചത്. ഇപ്പോള്‍ സംഘ്പരിവാര്‍ കൂടാരത്തില്‍ അഭയംതേടിയ സ്ഥിതിക്ക് എം.എല്‍.എ സ്ഥാനത്ത് തുടരാന്‍ ജോര്‍ജിന് അര്‍ഹതയില്ലെന്നും അദ്ദേഹം കൂട്ടിച്ചേര്‍ത്തു.