ചേര്‍ത്തല: ചേര്‍ത്തലയില്‍ നടക്കുന്ന ശ്രീനാരായണ ദര്‍ശന മഹാസത്ര വേദിയില്‍ തെളിക്കാനുള്ള ദിവ്യജ്യോതി  ശിവഗിരി  നിന്നും സത്രവേദിയില്‍ എത്തിച്ചു.
രാവിലെ ശിവഗിരി  സമാധി മണ്ഡപത്തില്‍ ധര്‍മ്മ സംഘം ട്രസ്റ്റ് പ്രസിഡന്റ് വിശുദ്ധാനന്ദ സ്വാമിയില്‍ നിന്നും എസ്.എന്‍.ഡി.പി യോഗം കണിച്ചുകുളങ്ങര യൂണിയന്‍ കൗണ്‍സിലര്‍ കെ.സോമന്‍ ദിവ്യ ജ്യോതി ഏറ്റുവാങ്ങി.
കണിച്ചുകുളങ്ങര-ചേര്‍ത്തല യൂണിയനുകളിലെ യോഗം നേതാക്കളും യൂത്ത്മൂവ്‌മെന്റ്-വനിതസംഘം നേതാക്കളും ദിവ്യ ജ്യോതി ഏറ്റുവാങ്ങല്‍ ചടങ്ങില്‍ പങ്കെടുത്തു.നിരവധി വാഹനങ്ങളുടെ അകമ്പടിയോടെ വൈകിട്ട് ആറിനു മണിയോടെ ദിവ്യ ജ്യോതി സത്രവേദിയില്‍ എത്തിച്ചു.
സത്രസമിതി വൈസ് ചെയര്‍മാന്‍ കെ.വി സാബുലാല്‍,ജനറല്‍ കണ്‍വീനര്‍ കെ.കെ മഹേശന്‍ എന്നിവര്‍ ചേര്‍ന്ന് ദിവ്യജ്യോതി ഏറ്റു വാങ്ങി.
ഇത് സത്രാരംഭം വരെ കെടാവിളക്കായി സൂക്ഷിക്കും.സത്രവേദിയില്‍ വെള്ളിയാഴ്ച വൈകിട്ട് 7ന് ആചാര്യവരണം നടക്കും.