കൊണ്ടോട്ടി: ഇന്ത്യയില്‍നിന്നു ഹജ്ജ് കര്‍മത്തിനായി മക്കയിലേക്കുള്ള അല്‍ഹിന്ദിന്റെ ആദ്യ ഹജ്ജ് സംഘം ഇന്നലെ പുറപ്പെട്ടു. മുന്‍ വര്‍ഷങ്ങളിലേതുപോലെ അല്‍ഹിന്ദ് ഹജ്ജ് ഗ്രൂപ്പിന്റെ ഹാജിമാരാണ് ഇന്നലെ രാത്രി ഒമാന്‍ എയര്‍വേസില്‍ യാത്ര തിരിച്ചത്. കൊണ്ടോട്ടിയില്‍ നടന്ന അല്‍ഹിന്ദ് ഹജ്ജ് ക്യാംപിന്റെ ഉദ്ഘാടനം പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിച്ചു.
ഹാജിമാര്‍ക്കുള്ള യാത്രാരേഖകള്‍ തങ്ങള്‍ കൈമാറി. കോഴിക്കോട് എയര്‍പോര്‍ട്ട് ഡയറക്ടര്‍ ശ്രീനിവാസ റാവു യാത്രക്കാരുടെ ബോര്‍ഡിങ് പാസ് അമീര്‍ അസീസ് അഷ്‌റഫിക്കു നല്‍കി. ടി.വി ഇബ്രാഹിം എം.എല്‍.എ അധ്യക്ഷനായി. മുന്‍ എം.എല്‍.എ മമ്മുണ്ണി ഹാജി, അല്‍ഹിന്ദ് എസ്‌സിക്യുട്ടീവ് ഡയറക്ടര്‍ മുബഷിര്‍, അല്‍ഹിന്ദ് അമീറുമാരായ എം.പി കടുങ്ങല്ലൂര്‍, ബാവ മൗലവി വേങ്ങര, ഹനീഫ ദാരിമി, ഇബ്രാഹിം ബാഖവി, മൊയ്തു നിസാമി, കുഞ്ഞാപ്പ ഹാജി, മുഹമ്മദ് മുസ്‌ലിയാര്‍ നാദാപുരം സംസാരിച്ചു. ഹജ്ജ് ക്യാമ്പിന് അല്‍ഹിന്ദ് ഹജ്ജ് ഉംറ കേഡിനേറ്റര്‍മാരായ ഷബീര്‍ ബാബു വെങ്കിട്ട, ഹസീബ് എടപ്പാള്‍, മുഹമ്മദ് ഇര്‍ഫാന്‍,നജീബ് നടുത്തൊടി, നഫീല്‍ കൊണ്ടോട്ടി, ലത്തീഫ് മഞ്ചേരി എന്നിവര്‍ ക്യാംപിനു നേത്രത്വം നല്‍കി. ഹജ്ജ്-ഉംറ മാനേജര്‍ പി. ആര്‍ അബ്ദുസ്സമദ് സ്വാഗതവും കോഡിനേറ്റര്‍ ഹാഷിം മക്ക നന്ദിയും പറഞ്ഞു.