കാസര്‍കോട്: അടുക്കത്ത്ബയലിലെ ക്വാര്‍ട്ടേഴ്‌സില്‍ കവര്‍ച്ച. 15 പവനും പതിനായിരം രൂപയും മൊബൈല്‍ ഫോണും നഷ്ടപ്പെട്ടതായി ക്വാര്‍ട്ടേഴ്‌സിലെ താമസക്കാരിയായ റുഖിയ കാസര്‍കോട് പൊലിസില്‍ പരാതി നല്‍കി.
പരപ്പ സ്വദേശിനിയായ റുഖിയ താമസിക്കുന്ന ക്വാര്‍ട്ടേഴ്‌സില്‍ കഴിഞ്ഞദിവസമാണ് കവര്‍ച്ച നടന്നത്.
ജോലിക്കുപോയി വൈകുന്നേരം തിരിച്ചെത്തിയപ്പോഴാണ് മുന്‍വശത്തെ വാതില്‍ കുത്തിപ്പൊളിച്ചിരിക്കുന്നത് കണ്ടത്. അകത്തെ അലമാരയും തകര്‍ത്ത നിലയിലായിരുന്നു.
തുടര്‍ന്നുനടത്തിയ പരിശോധനയിലാണ് പണവും സ്വര്‍ണവും ഒരു മൊബൈല്‍ ഫോണും നഷ്ടപ്പെട്ടതായി മനസിലാക്കിയത്. പൊലിസ് അന്വേഷണം ആരംഭിച്ചിട്ടുണ്ട്. ഡോഗ് സ്‌ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി. പരിസരത്തെ സി.സി.ടി.വി ദൃശ്യങ്ങളും പൊലിസ് പരിശോധിച്ചു വരികയാണ്.