കളമശ്ശേരി: കളമശ്ശേരിയുടെ വിവിധ പ്രദേശങ്ങളില്‍ നിന്നും നിരോധിത പുകയില ഉല്‍പ്പന്നങ്ങള്‍ പിടികൂടി.കളമശ്ശേരി പത്തടിപ്പാലത്ത് നിന്ന് ഇതര സംസ്ഥാനക്കാര്‍ വില്‍പ്പനക്ക് കൊണ്ട് വന്ന 2500 പാക്കറ്റ് ഹാന്‍സ് ഉള്‍പ്പെടെ നിരോധിത പുകയില ഉല്‍പ്പന്നങ്ങള്‍ പിടി കുടുകയും, ആറ് പേരെ അറസ്റ്റ് ചെയുകയും ചെയ്തു.
ബിഹാര്‍ സ്വദേശി മിന്‍ സാന്‍ (24) യു.പി.സ്വദേശികളായ നൂര്‍ജ് മുഹമ്മദ് (37) കുര്‍ബാന്‍ അലി (34) മുഹമ്മദ് മുശ്താക്ക് (23) റഹ്മത്തുള്ള ( 47 ) കമലേശ് (4ഛ) എന്നിവരാണ് പൊലിസിന്റ പിടിയിലായത്.ഇടപ്പള്ളി ടോള്‍ ജംഗ്ഷനില്‍ തിയേറ്ററിന് സമിപം ഹാന്‍സ് ഉള്‍പ്പെടെ വില്‍പ്പന നടത്തിയ രണ്ട് അസ്സം സ്വദേശികളെ പിടി കൂടുകയും ഇവരില്‍ നിന്ന് 600 പാക്കറ്റ് നിരോധിത പുകയില ഉല്‍പ്പന്നങ്ങള്‍ പിടി കുടുകയും ചെയ്തു. ആസ്സാം സ്വദേശികളായ അനിസ് റഹ്മാന്‍ (20) അ ജുറുല്‍ മുഹമ്മദ് (20) എന്നിവര്‍ പോലിസിന്റ പിടിയിലായത്.
വിദ്യാര്‍ഥികളെ കേന്ദ്രികരിച്ച് ഹാന്‍സ് ഉള്‍പ്പെടെ വില്‍പ്പന നടത്തുന്നതിനാല്‍ ഇവര്‍ക്കെതിരെ ജുവനല്‍ ആക്ടും ഉള്‍പ്പെടുത്തുമെന്ന് കളമശ്ശേരി സി.ഐ.പറഞ്ഞു.നോര്‍ത്ത് കളമശ്ശേരി വല്ലാര്‍പാടം റോഡിനടുത്ത് നിന്ന് ചരസുമായി ചാവക്കാട് സ്വദേശി അഫ്‌സല്‍(21) നെയും കളമശ്ശേരി പേലിസ് പിടികൂടി.ഇവരെ എല്ലാവരെയും ഇന്ന് കോടതിയില്‍ ഹാജരാക്കുമെന്ന് പൊലിസ് പറഞ്ഞു.