പോസ്റ്റല് ബാലറ്റ്; മാര്ഗനിര്ദേശങ്ങളായി
കോട്ടയം: ലോക്സഭാ തെരഞ്ഞെടുപ്പിലെ പോസ്റ്റല് ബാലറ്റ്, തെരഞ്ഞെടുപ്പ് ഡ്യൂട്ടി സര്ട്ടിഫിക്കറ്റ് വിതരണം എന്നിവ സംബന്ധിച്ച് തെരഞ്ഞെടുപ്പ് കമ്മിഷന് നിര്ദേശങ്ങള് പുറപ്പെടുവിച്ചു. സര്വിസ് വോട്ടര്മാര്ക്ക് പുറമേ പൊലിസ്, ഫയര്ഫോഴ്സ്, ഹോംഗാര്ഡ്സ് എന്നിവര്ക്ക് പോസ്റ്റല് ബാലറ്റ് അല്ലെങ്കില് തെരഞ്ഞെടുപ്പ് ഡ്യൂട്ടി സര്ട്ടിഫിക്കറ്റിന് അര്ഹതയുണ്ട്.
സ്വന്തം പാര്ലമെന്റ് മണ്ഡലത്തില് തന്നെ ഡ്യൂട്ടി കിട്ടിയിട്ടുള്ളവര്ക്ക് തെരഞ്ഞെടുപ്പ് ഡ്യൂട്ടി സര്ട്ടിഫിക്കറ്റും മറ്റുള്ളവര്ക്ക് പോസ്റ്റല് ബാലറ്റുമാണ് നല്കുക. പോസ്റ്റല് ബാലറ്റ് ലഭിച്ച ഉദ്യോഗസ്ഥര്ക്ക് വോട്ടു ചെയ്യുന്നതിനായി 22ന് വിതരണ കേന്ദ്രങ്ങളില് പോളിങ് കേന്ദ്രം സജ്ജമാക്കും.
വോട്ടിങിനു ശേഷം രാഷ്ട്രീയ പാര്ട്ടി പ്രതിനിധികളുടെ സാന്നിധ്യത്തില് ബാലറ്റ് പേപ്പര് അടക്കം സീല് ചെയ്ത കവര് മണ്ഡലാടിസ്ഥാനത്തില് തരം തിരിച്ച് എണ്ണി രജിസ്റ്ററില് രേഖപ്പെടുത്തി ബന്ധപ്പെട്ട റിട്ടേണിങ് ഓഫിസര്ക്ക് കൈമാറും.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."