ന്യൂഡല്‍ഹി: സാമൂഹിക മാധ്യമങ്ങളായ വാട്‌സ് ആപ്പ്, ഫേസ് ബുക്ക്, ഇന്‍സ്റ്റാഗ്രാം എന്നിവ ലോകത്തിന്റെ പല ഭാഗങ്ങളിലും ഇന്നലെ പണിമുടക്കി. ഡെസ്‌ക്ടോപ്പുകളില്‍ രണ്ടു മണിക്കൂറോളമാണ് ഇവ നിശ്ചലമായത്.
അതേസമയം മൊബൈല്‍ വേര്‍ഷനില്‍ തകരാറുകളുണ്ടായിരുന്നില്ല. ഇവയുടെ പണിമുടക്കിനെ തുടര്‍ന്ന് ട്വീറ്ററില്‍ വലിയ പ്രതിഷേധമാണ് ഉയര്‍ന്നത്. തുടര്‍ന്ന് രണ്ട് മണിക്കൂറിനുശേഷം തകരാറുകള്‍ പരിഹരിച്ച് സാധാരണനിലയിലെത്തിക്കാനായി. ഫേസ്ബുക്ക് കുടുംബത്തിലെ ഈ വന്‍ശൃംഖലകള്‍ ഒരുമിച്ച് പണിമുടക്കുന്നത് ഇത് രണ്ടാം തവണയാണ്. കഴിഞ്ഞ മാസമുണ്ടായ തകരാറിനെ തുടര്‍ന്ന് 24 മണിക്കൂര്‍ നേരമാണ് ഫേസ് ബുക്ക് പുനഃസ്ഥാപിക്കാന്‍ കഴിഞ്ഞത്.
ഇതിനൊപ്പം തകരാറിലായ ഇന്‍സ്റ്റാഗ്രാമും വാട്‌സ് ആപ്പും 14 മണിക്കൂറിനുശേഷമാണ് വീണ്ടെടുക്കാനായത്. സെര്‍വറില്‍ വരുത്തിയ മാറ്റത്തെ തുടര്‍ന്നാണ് തകരാറുണ്ടായതെന്നാണ് അധികൃതരുടെ വിശദീകരണം.