മാന്നാര്‍: ചെന്നിത്തല മഹാത്മ ബോയ്‌സ് എച്ച്.എസ്.എസ് സ്റ്റുഡന്‍സ് പൊലീസ് യൂണിറ്റിന്റെ നേതൃത്വത്തില്‍ കുട്ടികള്‍ക്കും രക്ഷിതാക്കള്‍ക്കുമായി നടത്തിയ ലഹരി ബോധവത്ക്കരണ ക്യാംപെയ്ന്‍ എസ്.പി.സി ജില്ലാ നോഡല്‍ ഓഫീസര്‍ ഗോപാലന്‍ ആചാരി ഉദ്ഘാടനം ചെയ്തു. സ്‌ക്കൂള്‍ മാനേജര്‍ എസ്.കൃഷ്ണന്‍ നമ്പൂതിരി അദ്ധ്യക്ഷത വഹിച്ചു. എസ്.ഐ. സി.ശ്രീജിത്ത്, ഹെഡ്മിസ്ട്രസ് ഡോ.എസ്.രമാദേവി, ഗോപീ മോഹന്‍, റജൂബ് ഖാന്‍, ജോര്‍ജ്കുട്ടി, സ്റ്റീഫന്‍ തോമസ്, മനോജ് നമ്പൂതിരി എന്നിവര്‍ പ്രസംഗിച്ചു. കെഡറ്റുകള്‍ക്കുള്ള യൂണിഫോം വിതരണവും ലഹരി ബോധവത്ക്കരണ പോസ്റ്റര്‍ വിതരണവും നടന്നു.