പേരാമ്പ്ര: ഉള്ള്യേരി പേരാമ്പ്ര സംസ്ഥാന പാതയില്‍ കരുവണ്ണൂരിനു സമീപം ആഞ്ഞോളിമുക്കില്‍ ഇന്നലെ വൈകിട്ടുണ്ടായ വാഹനാപകടത്തില്‍ സ്‌കൂട്ടര്‍ യാത്രികനു പരുക്ക്. പേരാമ്പ്ര ഭാഗത്തുനിന്ന് ഉള്ള്യേരി ഭാഗത്തേക്കു പോകുകയായിരുന്ന കാര്‍ നിയന്ത്രണം വിട്ടു എതിരേ വന്ന സ്‌കൂട്ടറിലും പിന്നാലെയെത്തിയ മറ്റൊരു കാറിലുമിടിക്കുകയായിരുന്നു. സ്‌കൂട്ടര്‍ യാത്രികന്‍ കാരയാട് എടപ്പള്ളി മീത്തല്‍ അസ്സയിനാറി (52) നാണ് പരുക്കേറ്റത്. ഇദ്ദേഹത്തെ മലബാര്‍ മെഡിക്കല്‍ കോളജില്‍ പ്രവേശിപ്പിച്ചു. സ്‌കൂട്ടറിനും ഇടിച്ച കാറിനും നാശം സംഭവിച്ചിട്ടുണ്ട്. കാറുകളിലെ യാത്രക്കാര്‍ക്കു പരുക്കേറ്റിട്ടില്ല. ഇന്നലെ രാവിലെ ഇതേ പാതയില്‍ ചാലിക്കര ഭാഗത്ത് ടിപ്പറും ബൈക്കും കൂട്ടിയിടിച്ചു രണ്ടു യുവാക്കള്‍ക്കു സാരമായ പരുക്കേറ്റിരുന്നു.