കോഴിക്കോട്: അരനൂറ്റാണ്ടിലേറെക്കാലമായി ഉപകരണസംഗീത രംഗത്ത് നിറഞ്ഞു നില്‍ക്കുന്ന പപ്പേട്ടന്‍ എന്ന പി. പത്മനാഭനെ ആദരിക്കുന്നതിനായി സംഗീത സായാഹ്നം സംഘടിപ്പിക്കുന്നു.
മീഞ്ചന്ത, അരക്കിണര്‍, വൈഎംആര്‍സി, അരീക്കാട്, നല്ലളം വാര്‍ഡുകളിലെ 40 റസിഡന്‍സ് അസോസിയേഷനുകള്‍ സംയുക്തമായാണ് സ്‌നേഹപൂര്‍വ്വം പപ്പേട്ടന് എന്ന സംഗീത സായാഹ്നം സംഘടിപ്പിക്കുന്ന്. നാളെ വൈകുന്നേരം അഞ്ചിന് മീഞ്ചന്ത എന്‍.എസ്.എസ് ഹയര്‍ സെക്കന്‍ഡറി സ്‌കൂളില്‍ ആരംഭിക്കുന്ന ചടങ്ങില്‍ പി. ജയചന്ദ്രന്‍, സതീഷ് ബാബു, സിന്ധു പ്രേംകുമാര്‍ പങ്കെടുക്കും. രാത്രി എട്ടിന് നടക്കുന്ന ആദരിക്കല്‍ ചടങ്ങ് മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്യും.
ചലച്ചിത്ര പിന്നണിഗായകന്‍ പി. ജയചന്ദ്രന്‍ പപ്പേട്ടനെ ആദരിക്കും. വാര്‍ത്താസമ്മേളനത്തില്‍ ഓര്‍ഗനൈസിങ് കമ്മിറ്റി ചെയര്‍മാന്‍ എസ്.വി. സയ്യിദ് മുഹമ്മദ് ഷമീല്‍, എസ്.വി. സയ്യിദ് മുഹമ്മദ് ഷമീല്‍, ഓര്‍ഗനൈസിങ് കമ്മിറ്റി രക്ഷാധികാരി പി.ടി നാരായണന്‍, കെ. സലാം, റസാഖ് പങ്കെടുത്തു.